share Tajincom

Bookmark and Share

Google+ Followers

mercredi 16 juillet 2008

Tajine de Boulettes de Sardines طجين ديال كفتة دسردين

 
* المقادير :

1 – كيلو ديال السردين "منقي و مغسول"
1 – قبطة ديال القزبور و المعدنوس" مقطع أو مطحون"
- الملح ¸ لبزار, الكمون,التحميرة, الخرقوم أو الملون, القزبور حبوب مدقوق,حامض معصر,زيت الزيتون.
5- ثومات كبار محكوكين
- نص كاس ديال الروز" مسلوق "
- الخبز يابس محكوك "لا شبلير"
*مقاديرالمرق :
3 - مطيشات "منقيين و مشلضين"
2 – بصلات مشلضين
2 – ثومات " محكوكين "+المعدنوس+ورقة سيدنا موسى
- الملح+لبزار+اسكنجبير+التحميرة+الحامض مرقد
- زيت الزيتون

* الطريقة :
نطحن السردين"مغسول و منقي و مزولين ليه السلسول .." فطحانة ديال اليد أو ديال الضو, ,ندير فوق منو الشرمولة" الملح ¸ لبزار, ,حامض معصر,زيت الزيتون. الكمون,التحميرة, الخرقوم أو الملون, القزبور حبوب مدقوق+الثومات محكوكين+ الخبز يبس محكوك "لاشبلير"+نص كاس ديال الروز مسلوق.
نخلط كل شي و ندير من الخليط كويرات متوسطين.
فطنجرة أو طجين نوجد المرق اللي غاد إطيب فيه لكويرات دسردين:
ندير البصلات مشلضين مع الزيت يتحمرو منين يولي لونهم دهبي نزيد عليهم المطيشات مشلضين + التوابيل +اربيع+الثوم محكوكة+ورقة سيدنا موسى+الحامض مرقد+زيت الزيتون,نحمر كل شي مزيان, من مبعد ندير زلافة كبيرة دلما,نحرك مزيان و نحط لكويرات دسرين فلاصوص إطيبوا و نسقيهم بلاصوص دمطيشة و نغطي الطنجرة و نخليهم إطيبو, منين تطيب الكفتة دسردين,نعري الطنجرة و ننقص عليها العافية و نخلي لاصوص تتقال شوي.
هشام اعبابو




Aucun commentaire:

Archives du blog

2 زوار طــــــاجينكم


web widgets