share Tajincom

Bookmark and Share

Google+ Followers

lundi 14 juillet 2008

Tajine de viande aux pommes de terre et aux olives طاجين دلحم و لبطاطا و الزيتون


* المقادير :
1 – كيلو لحم غنمي أو عجل
- نص كيلو بطاطا
2 – بصلات كبار
5 – ثومات كبار
3 – مطيشات كبار
- قبطة ديال القزبور و المعدنوس
- الملح ¸ لبزار, اسكنجبير , الزعفران الحر أو الملون, الكمون
- زيت الزيتون
- حامضة مرقدة
- الزيتون لحمر
* الطريقة :
فكوكوط ندير لحم مقطع مربعات متوسطين+التوابل كلها+ البصلة مشلضة أو محكوكة+الثومة محكوكة+الزيت,نحمر لحم مع الزيت و العطرية و البصلة, منين يتحمر و يتعلك نرمي فوق من مطيشة منقي و مقطعة مربعات صغار, نحمر كل شي حتى تتحمر المطيشة, نغطي لحم بالما و نسد الكوكوط و نخليه يطيب لمدة 45 دقيقة
من تدوز 45 دقيقة نقلب لحم إلى كان طايب نرمي فوق من لبطاطا منقي و مقطعة ضامات متوسطين و نحرك كل شي و نرمي فوق منها الملح و لبزلر و ربيع و الحامض مرقد و الزيتون و نخليها تطيب 10 دقايق, من تطيب لبطاطا نقلي الطجين حتى يتقال و يتعلك.

Aucun commentaire:

Archives du blog

2 زوار طــــــاجينكم


web widgets