share Tajincom

Bookmark and Share

Google+ Followers

lundi 25 août 2008

Couscous Tfaya Marocain كسكس تفاية


وصفة رائعة لصديقي و أخي العزيز سفيان بلمامون
* المقادير :
1- المرقة المالحةّ :

كيلو لحم غنمي أو عجل أو دجاج

4- بصلات مشلضين

قبطة ديال القزبور و المعدنوس مربوطة

الملح+لبزار+ زعفران الحر+الملون+ سكنجنبير+ معلقة صغيرة ديال سمن+الما+ضامة
ديال البنة "ماشي ضروري"



2- المرقة لحلوة :

- زوج
كيلو و نص بصلة مشنفة " مقطعة على شكل هلال "+ الما+ الملح+ السكار أو سنيدة + القرفة + الزيت + شوي زبدة + لعسل"ماشي ضروري"

رابعة ديال اللوز

رابعة ديال زبيب لبيض بلا عظم

3 – كسكس :

كيلو سميدة دكسكس أو كسكس واجد " ديال البكية "

سمن أو الزبدة + الما + الملح + الزيت

* الطريقة :
اللوز نسلقو و نقيه و نقليه و نخليه حتى لخر نزين به كسكس تفاية

زبيب نغسلو و ندير فالما بارد و نخليه يتنفخ
فبرمى ديال كسكس ندير لحم و العطرية ديال المرقة المالحة+البصلة مشلضة + قبطة ديال ربيع مربوط+الزيت,نحمر و نقلي كل شي, لحم و البصلة و العطرية كاملة حتى تنشف من لما,نغطي لحم بالما حد يدين الطنجرة أو البرمى ,ندير نص كمية اسمن و نخلي النص لاخر حتى إقرب إوجد كسكس ونغطي البرمة نخليها تطيب,منين يطيب لحم نعري على الطنجرة أو الكوكوط و نخلي المرقة الملحة تتقال شوي.
منين توجد المرقة المالحة,نوجد المرقة لحلوة و لمعسلة,فطنجرة ندير كيلو و نص ديال البصلة "بيضة"مشنفة,نحمرها مع شوي ديال الزيت,ندير الما "ماشي بزاف حيث البصلة كتطلق الما "+ شوي ديال الملح + شوي ديال الملون,نخليها تطيب,منين تطيب و الما ديالها يقلال,ندير السكار+القرفة+لعسل و نعسلها
و نحرك مزيان,نحيد زبيب من الما و نزيد على البصلة و نخلط مزيان و ننقص على البوطة و نخلي البصلة تتعسل حتى تتقال و تولي قهوية .
فقصرية نخوي كسكس "من الأحسن و الأسهل نشروه مصوب و واجد ديال الباكية"ندير لكسكس الملح و الما و الزيت العادي,و نخلطو و نشربو هاد العناصر باش يرطب و يتحل,نديرو فالكسكاس و نردو يطيب فوق البرمى,مرة مرة نسقيه بالما و نحلو فالقصرية و نردو فالكسكاس و فوق البرمى,و هكدا حتى يزكى و يطيب و لكن ما خصوش يتعجن.
منين يطيب كسكس,نخويه فقصرية و نحلو بشوية دسمن و بمعلقة كبيرة دلعود,و نصب فطبسيل كبير كسكس,نخد المرقة المالحة,نخد منها لحم و نصبو فوق كسكس,و نسقي كسكس بالمرقة المالحة مزيان.
ناخد المرقة لمعسلة, نصب البصلة لمعسلة فوق من لحم و من كسكس,و نسقي شوية ديال المرقة لمعسلة فوق من لحم و البصلة و كسك,نزين كسكس تفاية باللوز مقلي من الفوق ..بالصحة و الراحة

هشام اعبابو



7 commentaires:

Anonyme a dit…

tbarkellah 3lik a si hicham wa nta balia fetti choumicha hhhhhhhhh bonne continuation wa felhakika chéhhitina hhhhh

Hicham Aabou a dit…

lol hhhhh Hacha manawsalch lalla choumicha lalla choumicha taj fok rassi :)
Merci pour vos encouragements et soyze tjr les Bienvenus

loubna a dit…

c est tres bon vraiment un delice loubna ababou

IBTISSAM a dit…

SLT A TT LE MONDE ANA JARBTOU W JA REZAAAAAAAAAAAAAAAAAAAL MERCI TBRAKALLAH ALIKOUM

rose a dit…
Ce commentaire a été supprimé par l'auteur.
rose a dit…

choukran bzaaf 3la had lwasafa jarabtha o jatni maziwana bzaaf

rose a dit…
Ce commentaire a été supprimé par l'auteur.

Archives du blog

2 زوار طــــــاجينكم


web widgets