share Tajincom

Bookmark and Share

Google+ Followers

samedi 30 août 2008

Lentilles à la Marocaine لعــــــدس




المقادير :
 - نص كيلو عدس
4 - ثومات محكوكين
3- ثومات صحاح "منقيين و ما مقطعينش,كاملين"
2- بصلات كبار مشلضين
2- بصلات مشنفين "مقطعين على شكل هلال"
حفنة ديال القزبو و المعدنوس مشلضة
- الملح + لبزار+اسكنجبير+زعفران أو الخرقوم+ ضامة دلبنة + الفلفلة حمرة
- زيت الزيتون

الطريقة : *
ليلة قبل نبيت لعدس فالما "باش يتنفخ و يرطب بحال اللوبية", نديرفطنجرة الثومات محكوكين+ البصلة مشلضة + الثومة صحاح+ البصلة مشنفة+الزيت + العطرية كاملة +ربيع
نحمر و نشحر كل شي مزيان,ندير المطيشات منقيين و مشاضين أو محكوكين, نحمرهم مع كل شي,نصفي لعدس و نقطرو من الما و نرميه فطنجرة و نخلط مع كل شي,ندير الما فطنجرة حتى يتغطى لعدس,نزيد فوق منو شوي ديال التوابل و زيت الزيتون ونخليه يطيب
منين يطيب لعدس نقص عليه العافية و نخليه يتشرب و يتقلا " إلى كانت المرقة ديالو كثيرة "
* إلى بغينا نطيبوه بلحم, ندير لحم فالأول مع الثوم و البصلة و الطرية و مطيشة و الزيت و نقليه و ندير الما و نخليه يطيب فاكوكوط و منين يطيب نرمي لعدس ..
* يمكن لنا نطيبو لعدس بصوصيص "النقانق",منين يقرب يطيب لعدس نرمي الصوصيص فطنجرة اللي كيطيب فيها لعدس و نحرك مزيان و نخليه يطيب مع لعدس.
* يمكن نقدمو لعدس مع الحوت مقلي..
* يمكن نطيبو لعدس مع كويرات " متوسطين " ديال الكفتة ديال لحم أللي كنرموهم فطنجرة ديال لعدس منين يقرب يطيب لعدس..
نصب لعدس فطجين مع لحم أو الصوصيص أو الحوت أو الكفتة.

هشام اعبابو



Aucun commentaire:

Archives du blog

2 زوار طــــــاجينكم


web widgets