share Tajincom

Bookmark and Share

Google+ Followers

mercredi 20 août 2008

شربة ديال لملوخية - شربة فاسية -

هادي وصفة خالتي المحبوبة ياسمينة لحلو- الصورة-
المقادير : *

- نص كيلو طريفات صغار ديال لحم غنمي أو عجل
خمسة أو ستة عظيمات صغار
تناش بصيلا صغار - صحاح ما مقطعين ما مقسومين
زوج بصلات كبار مشلضين
نص كيلو ملوخية من الأحسن تكون طرية و صغيرة
زوج لتر ديال لما
ربعة مطيشات كبار حمرين
معلقة صغيرة دسمن
معلقة كبيرةديال لبزار
حفنة صغيرة دزعفران الحر
الملح+الملون+ ضامة ديال البنة
كاس صغير ديال الشعرية رقيقة


الطريقة : *
فكوكوط نديرطريفات دلحم+البصلة مشلضة+لبصيلات صغار+الزعفران الحر+اسمن+الملح+لبزار,نخلط كل شي مزيان,ندير 2 لتر ديال لما,نحرك كل شي و نسد الكوكوط و نخليها تغلي و تطيب على نار مهيلة لمدة ساعة .
نقي مطيشة و نحيد لها الزريعة و نحكها أو نطحنها و نغليها شوي فكسرونة و نخليها.
نقي لملوخية و نغسلها و نحيد لها شوية من رجليها,نرمي لملوخية فالكوكوط تطيب+ المطيشة محكوكة أو مطحونة, منين تطيب لملوخية نرمي الشعرية رقيقة و نحرك مزيان و نخلي الشربة تغلي حتى تطيب الشعرية.

هشام اعبابو


3 commentaires:

Anonyme a dit…

tbarkallah 3lik a khay hadi soubba fassia 100/100
bravo

هشام اعبابو a dit…

Merci lahla ikhaték merci pour la visite

Anonyme a dit…

bravo khouya bonne continuation
loubna Ababou

Archives du blog

2 زوار طــــــاجينكم


web widgets