share Tajincom

Bookmark and Share

Google+ Followers

mercredi 3 septembre 2008

Tajine de viande hachée à la tomate et aux oeufs طاجين ديال الكفتة بالبيض و مطيشة



المقادير : *
- 250 غ كفتة "كويرات أو مفرتة "
- حفنة ديال المعدنوس مشلضة
- 2 ثومات محكوكين " ماشي ضروري "
- الملح + لبزار+الكمون+التحميرة+ ضامة دلبنة "ماشي ضروري"
- زيت الزيتون
- بصلة صغيرة مشبضة
- 3 مطيشات كبار" منقيين و مشلضين "

الطريقة : *
ندير الملح +لبزار+التحميلرة+الكمون فالكفتة و نكورها كويرات صغار أو نفرتتها, نشلض البصلة و نديرها فطاجين معزيت الزيتون+ الثومات محكوكين+الكفتة+الملح+لبزار+الكمون+التحميرة و نشحر كل شي مزيان,نرمي عليهم المطيشات مشلضين و نحمر كل شي مزيان,ندير المعدنوس و نخلي كل شي يطيب حتى تتحمر مطيشة,ندير كاس صغير ديال الما و نخلط مزيان و نخلي الطجين يطيب "الطاجين ديال الفخار إلى بغينا نطيبو فيه نديرو تحت منو زليجة أو غطا ديال لحديدة باش ما يتشقش بالعافية"
نعري على الطاجين و نخليه يتقلا و نسقيه بشوية ديال زيت الزيتون و نفقص فوق منو البيض "بيضة لكل فرد"و نغطي الطاجين و نخليه يطيب شوي و نطفي عليه,ندردر فوق من البيض الملح+الكمون أو التحميرة و نقدموه مع أتاي مغربي بالنعناع..

هشام اعبابو


1 commentaire:

لا ليور دو لاطلاس a dit…

شكرا على الوصفة

شكرا

Archives du blog

2 زوار طــــــاجينكم


web widgets