share Tajincom

Bookmark and Share

Google+ Followers

mardi 9 septembre 2008

اسبڴيتي بالكفتة و مطيشة



* المقادير :
- 500 غ اسبڴيتي 
- 4 أو 5 معالق كبار ديال مطيشة دلحك
- 250 غ ديال الكفتة
- 5 ثومات محكوكين
- بصلة متوسطة مشلضة
- الملح+ لبزار+ السكار+2 ضامات ديال البنة + شوية ديال الڴوزة محكوكة
- زيتالعادية + زيت الزيتون الزيتون
- الزبدة
- فروماج حمر أو ڴريير محكوك

الطريقة : * 
1- لاصوص ديال اسبڴيتي :
 فكسرونة ندير2 معالق كبار ديال الزيت العادية تسخن, منين تسخن نرمي فيها الثومات محكوكين و نحركهم حتى يولو ذهبيين ويطلق بنتهم فزيت,من مبعد نزيد عليهم البصلة مشلضة و نخلطها مع الزيت و الثوم و نحمرها حتى تولي ذهبية " ما خاصش الثوم تتحرق ",منين تتحمر البصلة نفرتت الكفتة و نرميها مع الثوم و البصلة و نحمرها,الكفتة درنا فيها من قبل منين كانت خضرا الملح + لبزار+ شوية ديال الڴوزة محكوكة,منين تتحمر الكفتة فالزيت و الثوم و البصلة,ندير 4 أو 5 معالق ديال مطيشة ديال الحك و نخلط العناصر كلها و نحمر المطيشة, ندير 4 أو 5 طوبات صغار ديال السكار و نخلطهم مع العناصر ديالنا "السكار غاد يحمر لنا المطيشة ديال الحك ويعسلها شوية"
ندير الما جهد زلافة كبيرة و ندير الملح+لبزار+شوية ديال الڴوزة محكوكة + ضامة ديال البنة و نحرك مزيان و نخلي لاصوص تطيب و تغلي شوية و تقال,منين توجد نطفيو عليها البوطا و نضيفو لها معالقة كبيرة ديال زيت الزيتون.
2- اسبڴيتي:
فطنجرة ندير 1 لتر ديال الما يغلي + شوية ديال الملح
منين يغلي نرمي فيه اسبڴيتي و نحرك مزيان باش ما يلسقوش
مرة مرة نحرك اسبڴيتي و نخليها تطيب بلا ما تعجن 
منين تطيب نصفيها فشبكة أو كسكاس من الما و نخويها فطنجرة و نضيف لها الزبدة و ضامة ديال البنة و نخلطها مزيان بلا ما تعجن,و نصبها فطبسيل و نسقيها بالكفتة+لاصوص ديال مطيشة و نحك فوق منها لفروماج و نقدموها سخونة. 

هشام اعبابو



1 commentaire:

Anonyme a dit…

Salam 3alikom wa ra7mato Allah,

Tayyabt spaghetti bi had tari9a wa ma3raftch 3alsh jat 7lowa bezzaf wa ma9darna nakloha, fil l7a9i9a bi tari9a l3adia katji a7ssan, rja3t dart liha zitoun wa lma3dnouss wa zadt chwiya dial tawabil wa zadt 3liha bechamel sauce , 3ad dartha fi lafarran m3a fromage mozarella wa akhiran ta9ddat wa rja3na klinaha , ana wa Ibrahim.
3omouman rana kanjarrab les recettes l okhra , kolhom mezianin.
Barak Allaho fik
Fatima

Archives du blog

2 زوار طــــــاجينكم


web widgets