share Tajincom

Bookmark and Share

Google+ Followers

mardi 18 novembre 2008

لحم بمطيشة و ثوم



المقاديـــــــر :

1- نص كيلو لحم ديال لعجل" مربعات كبار" أو ستيكات

2- ستة ثومات كبار محكوكين

3- 6 مطيشات حمرين محكوكين

4- الملح+لبزار+ضامة ديال البنة "بقر"

5- ورقة سيدنا موسى

6- الزيت العادية

7- الماء

الطريــــقة :

فطنجرة ندير مربعات كبار ديال لحم أو ستيكات ديال لحم + الملح+لبزار+الثومات محكوكين +الزيت و نقلي كل شي فوق العافية,إلى كان لحم مربعات كبار نحمر كل شي مزيان و وغطيه بالما و نخليه يطيب حتى يقرب ينشف الما ديالو, نخوي فوق منو المطيشات محكوكين و نخلط كلشي مزيان و نزيد الملح+لبزار+ورقة سيدنا موسى و نخلي مطيشة تتحمر و تطيب مع اللحم

إلى كان ستيكات ديال لحم نقليهم فزيت و الملح و لبزار و الثومات و الزيت و نخوي فوق منو المطيشات محكوكين و نخلط كلشي مزيان و نزيد الملح+لبزار و نخلي مطيشة تتحمر و تطيب مع ستيكات دلحم

منين يطيب لحم و تتحمر مطيشة ندردر من الفوق ضامة ديال البنة و نخلط مزيان .

هاد الوصفة كتقدم مع لبطاطا مقلية أو روز مسلوق أو اسبكيتي مسلوقة..


هشام اعبابو

Aucun commentaire:

2 زوار طــــــاجينكم


web widgets