share Tajincom

Bookmark and Share

Google+ Followers

dimanche 30 novembre 2008

مكرونة باللحم المدخن


* المقادير:

- 500 غ مكرونة" اسبغيتي أو أي نوع من المكرونة"

- 200 غ لحم مدخن أو "شركوتري"

- الملح + لبزار+ ضمة البنة

- 200 غ فروماج احمر محكوك

- 2 بصلات كبار مقطعين" على شكل هلال "

- 4 ثومات محكوكين

- الزبدة

- الزعتر "ماشي ضروري"

* الطريقة :

فمقلا ندير البصلة مقطعة على شكل هلال تتحمربلا زيت,مرة مرة نحركها باش ما تلسقش,ندير لها الملح ,منين لونها يولي قهوي ندير عليها شوية ديال الزيت العادية و نحرك مزيان و نخليها تتحمر شوية و نحيدها من فوق العافية.

نسلق المكرونة فالما و الملح,منين تطيب نقطرها,ندوب الزبدة و ضامة ديال البنة+الثوم فكسرونة+الملح+ لبزار على حسب الذوق,يمكن لنا ندير شوية دلما إلى بغينا..

نخوي الخليط ديال الزبدة و ضامة ديال البنة و الملح و لبزار و الثوم فو المكرونة و نخلطها بلا ما نعجنها.

نقطع اللحم المدخن طراف طوال و عراض

فطبسيل ديال التقديم نحط المكرونة و نحط فوق منها طراف ديال اللحم المدخن+لفروماج محكوك.

ندخل الطبسيل ف"ميكرو أوند"باش يدوب لفروماج,و نقدم المكرونة بالصحة و العافية..

هشام اعبابو

Aucun commentaire:

2 زوار طــــــاجينكم


web widgets