share Tajincom

Bookmark and Share

Google+ Followers

jeudi 20 août 2009

كـــيــك بشكــــلاط


المقـــــــــــــادير:

غ طحين ديال الحلوة 250

1 كاس ديال لحليب دافي

بيضات كبار 6

كاس صغير ديال السكار

خمارات ديال الحلوة 2

3 خنيشات ديال فاني

كاس ديال الزبدة مدوبة

صغير نص كاس ديال الزيت

50 غ شكلاط غبرا "كوبيل مثلا"

2 طبليطا كبيرة ديال الشكلاط " شكلاط أسود "

شوية ديال الملح

الطريـــــــــــــقة :

نشعل الفران يسخن و نخليه على نار مهيلة, ندوب الزبدة فكسونة صغيرة و نخليها تبرد شوية وندوب طبليطا ديال الشكلاط الأسود مع شوية ديال الزبدة فحمام مريم أو فميكرو أوند و نخليه يبرد شوية, فإناء غارق نفقص البيض و نخدموا مع السكار حتى يطلع + شوية ديال الملح, نزيد عليهم طحين+ لخميرة ديال الحلوة و نخلط مزيان ندير الزبدة لمدوبة و نخدم الخليط مزيان نخوي الشكلاط غبرة و نخلط مزيان و ندير و نخوي فوق من الخليط الشكلاط الأسود اللي دوبنا و نخلط كل شي مزيان , نزيد لافاني و نخلط مرة أخرى,نخوي كاس ديال لحليب دافي فوق الخليط و نخلط مزيان ..

نخد لاطا ديال الكيك و ندهنها بالزبدة و نرشها بشوية ديال طحين و نسوسها و نخوي فيها الخليط ديالنا و نخشي لاطا ديال الكيك فالفران و نخليها تطيب مدة 40 دقيقة على نار مهيلة

هاد اليك ديال الشكلاط خاصو يجي دايب شوية من الداخل

منين يطيب الكيك نخرجوه من الفران و نخليوه يبرد عاد نحيدوه من اللاطا ديالو, ندوب طابليطا الثانية ديال الشكلاط الأسود مع شوية ديال الزبدة للتزيين, و نخويها فوق من الكيك ديالنا حتى تتغطى كلها بشكلاط الأسود و نديرها تبرد فتلاجة لمدة ساعة و نقدموها كحلوة أو ديسير..

هشــــام أعبـــــابو

1 commentaire:

nancy a dit…

كنت محظوظة اني اكتشفت هاد الموقوع للي ساتفدت منه بزافو علمني اشيائ كثيرة
بغيت نعرف طريقة تحضير سلو لانها ماواضحاش ادا كان ممكن و شكرا

2 زوار طــــــاجينكم


web widgets