share Tajincom

Bookmark and Share

Google+ Followers

vendredi 21 août 2009

اسبـــــاكيـــتي بمطيشة و الطون و اربيع



المقــــــــاديـــــــر :

500 غ اسباكيتي

6 ثومات كبار محكوكين

بصلة كبيرة مقطعا دواور

3 معالق كبار ديال القزبور و المعدنوس مقطعين

ورقة سيدنا موسى

3 ديال مطيشات حمرين منقيين و مقطعين

2 معالق كبار ديال مطيشة ديال الحك

الملح+لبزار+شوية ديال الملون +شوية ديال الكوري"عطرية مخلطة ديال الهند"

ضامة ديال البنة ديال الحوت أو ديال الدجاج

2 حكاك ديال الطون

2 معالق كبار ديال زيت الزيتون

حفنة كبيرة ديال الزيتون لكحل " بلا عظام "

حفنة ديال كورنيشو مقطع دواور

فروماج احمر محكوك

الطريـــــــــقة :

فكسرونة أو مقلا غارقة ندير زيت الزيتون تسخن نزيد عليها الثومات محكوكين و نخليهم حتى يولو دهبيين, نرمي عليهم البصلة مقطع دواور كبار و نحمر كل شي فزيت الزيتون نرمي ورقة سيدنا موسى و نخلط مزيان,نمي المطيشة منقيا و مقطعا و نملح و نبزر و ندير الملون + الكوري و نخلط مزيا و نخلي مطيشة تتحمر,منين تتحمر مطيشة نزيد عليها 2 معالق كبار ديال مطيشة ديال الحك و نخلط كل شي حتى تتحمر مطيشة ديال الحك,نرمي 3 معالق ديال القوبور و المعدنوس مشلضين و نخلط مزيان و نخوي 2 كسان ديال الما أو 3

" لاصوص ما خاصهاش تكون جاريا و ماويا " نخلي لاصوص تطيب و تتقلا,نرمي صامة ديال البنة + الملح+ لبزار,نرمي الطون من بعد ما خويناه من زيت ديالو و قطعناه طراف متوسطين و نخلط لاصوص بشويا باش ما يتهرسش الطون,و نخلي لاصوص تتقال شوية و نطفي عليها البوطا..

نسلق اسبكيتي فالما غليان + الملح "اسبكيتي ما خصهاش تكون طيبا بزاف "

منين تتسلق نقطرها و نخلطها بشوية ديال الزبدة أو زيت الزيتون على حسب الذوق و نصبها فطبسيل كبير أو طباسل متوسطين و نصب فوقها لاصوص ديال مطيشة و الطون و نزينها بالكورنيشو و الزيتون كحل و لفروماج محكوك..

هشـــــام اعبــــــابو

Aucun commentaire:

2 زوار طــــــاجينكم


web widgets