share Tajincom

Bookmark and Share

Google+ Followers

jeudi 20 août 2009

رفيسة العمية أو ارفيسة ديال الخبز







المقــــــاديــــر



زوج بصلات كبار مقطعين على شكل هلال

زوج مطيشات كبارمقطعين طراف كبار

كاس صغير ديال لعدس منقي و مغسول

حفنة ديال طريفات ديال الشحمة

ربطة ديال القزبور و المعدنوس




ثلاثة ديال الثومات صحاح ما مقشرين ما مقطعين

خمسة ديال الثومات محكوكين

حفنة صغيرة ديال الحلبة "ماشي ضروري"

الملح+ لبزار+ اسكنجبير + الملون+ ضامة ديال البنة

زيت الزيتون

ثلاثة ديال الخبزات مقطعين طراف صغار



الطريــــــقة

فطنجرة ندير البصلة+الثوما صحيحا و محكوكة+مطيشة مقطعة طراف كبار بقشورها+ الشحمة+ العطرية كاملة+ لعدس و اربيع و ندير الما مزيان جهد زوج لتر ديال الما ونخلط كل شيء مزيان,ندير زيت الزيتون "معلقة كبيرة"و نخلط مزيان و نخليها تطيب حتى يطيب لعدس



منين يطيب لعدس ندير معلقة صغيرة ديال اسمن وضامة ديال البنة و نخلط مزيان و نطفي عليها

ناخد طبسيل كبير و نقطع فيه الخبز طراف متوسطين او صغار و نفرشهم فطبسيل و نحط فوق من الخبز البصل و لعدس والحلبة و مطيشة و لحم و نسقي كل شي بالمرق حتى تفزك حيت ارفيسة ديال الخبز تتبغي تشرب و تسقى مزيان بالمرق ..

هاد الأكلة اقتصادية و تدروها الناس إلى شاط لهم الخبز باش ما يضيعش و هي أكلة لديدة و تتسخن خاصة فالبرد



هشـــــام اعبابـــــو

Aucun commentaire:

2 زوار طــــــاجينكم


web widgets