share Tajincom

Bookmark and Share

Google+ Followers

mercredi 9 septembre 2009

أومليــــــــــطا فالفــران


المقـــــــــــادير:
5 بيضات كبار
نص كيلو بطاطا
بصلة كبيرة
250 غ كفتة
المعدنوس
4 ثومات محكوكين
الملح + لبزار+ الزعفران + الكوزة+ صامة ديال البنة
50 غ فروماج احمر محكوك
الطريــــــــــقة :
انقي لبطاطا و نقطعها مربعات متوسطين و نديرها تسلق مع شوية ديال الملح,نشلظ بصلة كبيرة و نديرها فمقلا مع شوية ديال الزيت الرومية و زيت الزيتون و الثوم محكوكة , منين تولي ذهبية نرمي فوقها الكفتة و نخط كل شي و نخليها تطيب و تتحمر,ندير الملح + لبزار+الزعفران وشوية ديال الكوزة محكوكة و نخلط كل شي مزيان
نقطع حفنة ديال الزيتون لخضر بلا عظام دواور و نرميه فوق الخليط مع المعدنوس مقطع
نرمي لفروماج محكوك فوق الخليط و نخلط مزيان
نسخن الفران فإناء من نوع بيركس نهنوه بالزبدة نخوي لبطاطا اللي سلقنا و نخوي فوق منها الخليط ديال الكفتة و البصلة و التوابل
فميكسور نطرب البيض مزيان و نخويه فوق لبطاطا و الكفتة و نديرو فالفران و نخليه حتى يطيب ..
هشام اعبابو

Aucun commentaire:

2 زوار طــــــاجينكم


web widgets