share Tajincom

Bookmark and Share

Google+ Followers

mercredi 16 septembre 2009

طــــاجين ديال لبطاطا بالكواري ديال الكفتة

المقــــــــــادير :
500 غ كفتة ديال دجاج أو ديال اللحم
بصلة كبيرة مشلضة
4 ثومات كبار محكوكين
2 مطيشات كبار منقيين و مشلضين
القزبور و المعدنوس
حامضة مرقدة
حفنة ديال الزيتون خضر بلا عظم
الملح + لبزار + اسكنجبير + الزعفران + ضامة ديال البنة + شوية ديال الكوزة محكوكة
زيت الزيتون
الطريــــقة :
ندير الملح و لبزار و شوية ديال الكوزة محكوكة فالكفتة + المعدنوس مقطع و نعجن الكفتة مزيان و ندير منها كواري كبار ..
فطنجرة ندير الزيت و البصلة مشلضة و الثومات محكوكين و نحمر كل شي فزيت الزيتون مع الملح و لبزار و الزعفران و اسكنجبير ..
نرمي فوق البصلة و الثوما المطيشات منقيين و مشلضين و القزبور و المعدنوس و نخلط كل شي و نحمر مطيشة فزيت مع البصلة و الثوما
ندير 2 كيسان كبار ديال الما و نحرك الخليط مزيان,منين يبد يغلي نرمي لبطاطا اللي نقينا من قبل و قطعناها مربعات كبار و ندير فوق منها الملح و لبزار
نزيد عليها لكواري ديال الكفتة اللي صوبنا من قبل و نحرك كل شي بيد ديال العود و نضيف ضامة ديال البنة و الزيتون لخضر بلا عظم و الحامض مرقد نغطي الطنجرة و نخليها تطيب حتى تطيب لبطاطا و الكفتة
منين يطيبو نعري الطنجرة و نخلي الطاجين يتقلا حتى تقلال المرقة ديال و تقلال .
هشـــــام اعبـــــابو

Aucun commentaire:

2 زوار طــــــاجينكم


web widgets