إسكلوب ديال بيبي بالكوزةEscalopes de Dinde à la noix de muscade

المقــــــــــادير :

4 ديال إسكلوبات ديال بيبي

الملح + لبزار+ الكوزة

معلقة كبيرة ديال الزيت الرومية

معلقة كبيرة ديال لاموطارد

معلقة كبيرة ديال طحين

الطريــــــــقة :

فطنجرة أو مقلا ندير الزيت تسخن و ندير فيها إسكلوبات ديال بيبي و ندير الملح و لبزار و نخلط كل شي مزيان و نقليهم فزيت,نحك الكوزة فوق من الإسكلوب و نخلط مزيان

منين يطيب بيبي و يتحمر شوية فزيت ندير كاس ديال الماء صغير فوق من كل شي و نحرك مزيان نزيد الملح و لبزار حسب الرغبة و نضيف معلقة ديال لاموطارد و نحرك كل شي مزيان و نخلي الطنجرة تغلي

ندير معلقة ديال طحين مع ربع كاس ديال الما صغير و نخدم طحين مع الما و نخويه فطنجرة ديال بيبي و نحرك كل شي مزيان نخلي الطنجرة تطيب شوية و نطفي عليها

نقدم هاد الوصفة ديال بيبي مع الروز أو اسبكيتي أو بطاطا مقلية.

هشـــــام اعبــــــابو