share Tajincom

Bookmark and Share

Google+ Followers

lundi 23 novembre 2009

Vermicelle aux champignonsفيـــرميســـيـــل بالشمبـيـنـيو و التوابل



المقــــــــــــــاديــر:


فيـــرميســـيـــل 400 غ
نص كيلو ديال الفيلي ديال بيبي "الديك الرومي"
حك كبير ديال الشمبينيو "الفطر"
بصلة كبيرة
6 ثومات كبار
مرق الصوجا
الملح,لبزار,اسكنجبير,كوري"خليط التوابل الهندية",كوزة محكوكة " حفنة صغيرة " و معلقة كبيرة ديال سكار + 2 معالق كبار ديال الخل
زيت الزيتون
2 ضامات ديال البنة
ورقة سيدنا موسى


الطريـــــــقة :
فمقلا سخونة ندير الزيت و ندير فيها الثومات محكوكين يتحمرو شوية نزيد عليها البصلة اللي قطعناها على شكل مربعات صغار نخلط كل شي حتى تولي البصلة ذهبية, نضيف الشمبينيو و نملح و نبزر و نخليه يتحمر شوية مع البصلة و الثوما
نقطع الفيلي ديال لاداند " البيبي " على شكل طولي ونديرها فالمقلا اللي فيها الثوما و البصلة ندير التوابل الملح,لبزار,اسكنجبير,كوري,الكوزة محكوكة و الخل و السكار+ ورقة سيدنا موسى و نخلط مزيان حتى تطيب لاداند, نزيد على الخليط كاس ديال الما كبير+ضامة ديال البنة و نخلي المرق يغلي شوية و نطفي عليه
فطنجرة ندير الما يطيب مع الملح,منين يطيب الما نخوي فيه الفيرميسيل ديال الشينوا و نخليها تطيب واحد 5 دقايق او اكثر على حسب الذوق
منين تطيب نصفيها و نخلي فيها شوية ديال الما,ندير ليها الملح,لبزار,اسكنجبير+ضامة ديال البنة + شوية ديال زيت الزيتون + لاصوص ديال الصوجا " ربع قرعة " أو اكثر حسب الذوق و نخلط الفيرميسيل مزيان
نخد الخليط ديال بيبي اللي طيبنا من قبل نسخنو و نخويه على الفيرميسيل و نخلط مزيان و نقدم هاد الطبق بالصحة و الراحة ..
"هاد الوصفة ديال الفيرميسيل ديال الشينوا يمكن نديروها أيضا بالفيلي ديال اللحم أو ديال الدجاج فبلاصت الفيلي ديال لاداند "
هشـــــــام اعبـــــــابو




  

Aucun commentaire:

2 زوار طــــــاجينكم


web widgets