share Tajincom

Bookmark and Share

Google+ Followers

mardi 1 décembre 2009

Coquiettes à la Marocaine مقرونيـــــــــــــة مغربيــــــــة

-->
-->
المقاديــــــــــــــر :
500 غ مقرونية ديال الباكية
250 غ ديال لحم "مقطع مربعات"
4 مطيشات حمرين "منقيين و مشلضين أو محكوكين"
بصلة كبيرة مشلضة
4 ثومات كبار محكوكين
حفنة كبيرة ديال القزبور و المعدنوس
معلقة كبيرة ديال مطيشة ديال الحك
الملح,لبزار,اسكنجبير,الملون,ضامة ديال البنة
الزيت الرومية و زيت العود

الطريـــــــــــقة :

فطنجرة كبيرة ندير البصلة مشلظة و التومات المحكوكين و الزيت الرومية و البلدية و نحمر شوية البصلة و الثومة, طريفات ديال لحم نديرو ليهم الملح و لبزار و نرميهم يتحمرو فالطنجرة مع البصلة و الثوم و الزيت " لحم ماشي ضروري فهاد الوصفة "  
منين يتحمر كل شي نخوي عليه المطيشة اللي نقينا و شلضنا أو حكينا, ندير الملح و لبزار و اسكنجبير و الملون و نخلط كل شي حتى تتحمرمطيشة و تنشف من الما ديالها ندير معلقة كبيرة ديال مطيشة ديال الحك و نخلطها مع كل شي
منين يتقلا و يتحمر كل شي نخوي على الخليط 2 لتر ديال الما و نحرك مزيان و نغطي الطنجرة حتى يغلي الما
منين يغلي الما نخوي فيه المقرونية ديال الباكية "ماشي ديال لعبار حيت ما كتكونش ديما نقية و فهاد الوصفة المقرونية مغدينش نصفوها و نشللوها خيث غاد تطيب فالما ديالها مع البصلة و الثوم و اربيع و العطرية"
منين نخويو المقرونية نحركو الطنجرة مزيان بيد ديال العود باش ما تلصقش و نزيد العطرية و ضامة ديال البنة و نحرك مزيان و نخليها تطيب ,لاصوص وخا تكون كثيرة ماعليش حيت غاد تشربها المقرونية منين غتد نطفيو عليها.

هشــــــــام اعبـــــــابو

2 commentaires:

Touria a dit…

j'adore c'est une bonne recette familiale que maman nous prépare
merci du partage

loubna ababou a dit…

Merci à toi Touria merci pour ton passage

2 زوار طــــــاجينكم


web widgets