share Tajincom

Bookmark and Share

Google+ Followers

mercredi 2 décembre 2009

بيــــتزا بالكفتة و الموزاريــــلا Pizza à la viande Hachée et Mozarella

المقـــــــادير :





 2 بيــتزات كبار ديال لبواطا " طايبين نص طياب "
250 غ ديال الكفتة
250 غ ديال فروماج الموزاريــــلا
بصلة مشلضة
2 ثومات
4 معالق كبار ديال مطيشة ديال الحك
معلقة كبيرة ديال المعدنوس مقطع
حفنة ديال الزيتون كحل
الملح,لبزار,السكار+ ضامة ديال البنة أو نص ضامة "حسب الذوق"
الزيت البلدية و الرومية


الطريــــــــــــقة :



فكسرونة ندير المطيشة ديال الحك مع شوية ديال زيت الزيتون و شوية ديال السكار و 2 ثومات محكوكين و نخلط كل شي حتى تتحمر المطيشة,ندير فوق منها كاس ديال الما كبير و نخلط مزيان,ندير الملح و لبزار و نص ضامة ديال البنة و معلقة ديال المعدنوس مقطع و نخلي لاصوص تطيب شوية و نطفي عليها و نخليها .
ناخد مقلا و نسخنها و نديرفيها معلقة ديال الزيت الرومية منين تسخن الزيت نخوي فوق منها البصلة مشلضة و نحمرها حتى يولي لونها ذهبي و نطفي عليها,نديرها فطبسيل و نخليها.
ناخد الكفتة و ندير فيها الملح و لبزار و نعجنها مزيان و نفرتتها و نديرها التقلا فمقلا منين تطيب نديرها فطبسيل و نخليها
نسخن الفران و ناخد لاطا اللي غاد نطيب فيها البيتزا و ندهنها بزيت الرومية و نحط فوق منها لعجينة الواجدة ديال البيتزا و نخوي فوق منها لاصوص ديال المطيشة " جهد 4 ديال لمعالق كبار أو اكثر حسب الذوق",ندير من فوق لاصوص ديال مطيشة البصلة محمرة و من فوق البصلة ندير الكفتة و من فوق الكفتة ندير 3 ديال الحفنات ديال فروماج موزاريــــلا و نضيف الزيتون لكحل و نخشي الاطا ديال البيتزا فالفران و نخليها تطيب مدة 10 دقايق أو أقل "غلى بغينا نعرفو البيتزا واش طابت أولا لا,نهزو لعجينة ديالها بفورشيتا إلى كانت محمرا شوية هي راها طابت"
نفس العملية نديروها مع لبيتزا الثانية .


هشــــــام اعبــــــابو





 

Aucun commentaire:

2 زوار طــــــاجينكم


web widgets