share Tajincom

Bookmark and Share

Google+ Followers

samedi 23 janvier 2010

طاجين لحم مشرمل بمطيشة



المقــــــــــادير

كيلو ديال لحم لغنمي أو لعجل

بصلة كبيرة مشلضة

خمسة ديال الثومات كبار محكوكين

القزبور و المعدنوس مقطعين

حامضة مرقدة

ربعة ديال مطيشات كبار منقيين و مشلصين أو محكوكين

ورقة سيدنا موسى

فلفلة حارة "ماشي ضروري"

الملح و لبزار و اسكنجبير و الكمون و الخرقوم أو الملون

نص كاس ديال الزيت مخلط " رومية و زيت الزيتون"

كيلو ديال لبطاطا " مسلوقا و مقلية "

الطريــــــــــــقة
نغسل لحم وانقطعو طراف و نديروا فالكوكوط , مع البصلة مشلضة و الثومات محكوكين و الملح و لبزار و اسكنجبير والكمون والملون أو الخرقوم و الزيت و القلب ديال حامضة مرقدة مقطع بالموس مزيان و نحمر و نقلي كل شي مزيان حتى تدوب البصلة,نضيف عليهم المطيشة منقية و مشلضة و ورقة سيدنا موسى و القزبور و المعدنوس و نخلط كل شي و نخلي مطيشة تتحمر حتى يمشي الما ديالها

منين تتحمر مطيشة, نرمي فلفلة حارة إلى بغينا وندير الما فالكوكوط حتى يتغطى لحم و نسد عليه الكوكوط و نخليه يطيب نص ساعة حتى لساعة إلا ربع

منين يطيب لحم نعريو الكوكوط و نخليها تتقلا إلى كان المرق كثير و ماوي إلى كان مدغمر نطفي عليها.

انقي لبطاطا و نغسلها و نقطعها مربعات متوسطين و نديرها فكسرونة تتسلق,منين توجد نصفيها و نخليها تستقطر, نطنجرة ديال لقلي أو فمقلا نسخن الزيت منين تغلي نرمي فيها لبطاطا تقلا حتى تولي دهبية ,نصب لحم و المرق ديالنا فطبسيل كبير و مزوقو بالحامص مرقد و الفلفلة و لبطاطا مقلية و نقدوا بالصحة و الراحة

هشـــــــام اعبـــــــــابو

Aucun commentaire:

2 زوار طــــــاجينكم


web widgets