share Tajincom

Bookmark and Share

Google+ Followers

dimanche 21 février 2010

كسكســــــــــو بالمرق ديال ارفيســـــــــــة





المقــــــــــــادير



نص كيلو ديال كسكسو

دجاجة ديال كيلو و نص أو كيلو ديال شرائح بيبي

 ثلاثة ديال البصلات كبار مقطعين على شكل هلال

ربطة ديال القزبور و المعدنوس

معلقة كبيرة و نص ديال اسمن

نص كاس مخلط ديال الزيت البلدية و الزيت الرومية

كاس ديال لعدس

الملح و لبزار و اسكنجبير و الملون و شوية ديال الزعفران الحر

 زوج ضامات  ديال البنة ديال دجاج



الطريـــــــــقة

فبرمة ديال كسكسو ندير دجاجة اللي غسلناها ونقينامه من قبل بالما و الملح و الخل,نديرو معاها البصلة اللي نقيناها و قطعناها على شكل هلال, نديرو الملح و لبزار و اسكنجبير و الملون و شوية ديال الزعفران الحر و الزيت و نقليو و نشحرو دجاجة وكل شي مزيان,نضيفو الما تقريبا زوج لتر ديال الما و نزيدو الملح و لبزار و اسكنجبير+الربطة ديالا ربيع+ لعدس,نحركو الخليط و نخليوه يطيب,منين تبدا تغلي البرمة ندير فيها معلقة كبيرة ديال اسمن

فإناء غارق أو فقصرية نديرو كسكسو و نديرو ليه معلقة صغيرة ديال الملح و معلقة كبيرة ديال الزيت و نخلطوه بيدينا مزيان و نسقيوه بكاس ديال الما صغير و نخلطوه باليد و نديروه فالكسكاس و نحطوه فوق البرمة اللي كيطيب فيها المرق ديال دحاج و البصلة,نخليو كسكسو يطيب مدة عشرن دقيقة حتى يفور التفويرة الأولى

من مبعد نزولو الكسكاس و نخويو كسكسو فالقصرية أو فطبسيل كبير و غارق و نحلوه بيد ديال العود و بشوية ديال الما و نعودو نردوه فالكسكاس يتفور التفويرة الثانية لمدة عشرين دقيقة,من مبعد نخوي الكسكاس فالقصرية و نضيف عليه معلقة صغيرة ديال اسمن و نخلط مزيان و نحلوه بيد ديال العود باش ما يبقاوش فيه لكويرات,منين يطيب دجاج و لعدس نطفي البرمة و نديرو فيها الضامات ديال البنة ونحركو الخليط

نحط دجاجة فوسط كسكسو و نصب فوق من ادجاج البصلة و لعدس و نسقي كل شي مزيان بالمرق



هشــــــــام اعبـــــــــابو

Aucun commentaire:

2 زوار طــــــاجينكم


web widgets