share Tajincom

Bookmark and Share

Google+ Followers

mardi 26 novembre 2013

جيغو ديال الغنمي محمر

المقـــــاديـــــــــــــر 

جيغو أو جيكو ديال الغنمي أو فخد ديال الغنمي
  خمسة ديال الثومات محكوكين
حفنة ديال المعدنوس
زوج معالق كبار ديال الزيت 
الملح و لبزار
ضامة ديال البنة ديال البقر
كاس كبير ديال الما 


الطريــــــــــــــقة 

نغسلو الجيغو مزيان بالما,فطبسيل ندير الثوم محكوكة و الملح و لبزار و المعدنوس و الزيت و نخلط كل شي مزيان,ندهن بهد الخليط الجيغو أو لفخد ديال الغنمي مزيان و انخليه عالأقل ربع ساعة باش تدخل فيه التوابل,نديرو من مبعد فكوكوط و نشحرو على نار مهيلة حتى يولي فيه لون دهبي,انضيف فالكوكوط كاس كبير ديال الما و نضيف ليه الملح و لبزار و شوية ديال الزيت العادية إلى ابغينا و انسدو عليه الكوكوط و انخليوه يطيب لمدة ساعة إلا ربع, من الأحسن ما نطيبوهش بزاف باش ما يوليش ناشف من الداخل ديالو,مللي يطيب نزولوه من الكوكوط و انسخنو الفران و انديرو الجيغو فلاطا ديال الفران و نخويو فوق منو المرق اللي طاب فيه,قبل ما نخشيوه فالفران ناخدو كاسرونة صغيرة ندوبو فيها الضامة ديال البنة فشوية ديال الما و نسقيو بها الجيغو و نخشوه فالفران يتحمر حتى تولي القشرة ديالو محمرة’هاد الجيغو محمر كيمكن لنا نقدموه مع الروز أو مع اسباكيتي بيضة أو مع الخضر سوطي أو مع بطاطا مقلية
هشام اعبابو

Aucun commentaire:

2 زوار طــــــاجينكم


web widgets