share Tajincom

Bookmark and Share

Google+ Followers

vendredi 15 novembre 2013

بان كيك



بان كيك شطيرة فطورأمريكية كتشبه لكريب الفرنسية تقريبا نفس المقاديرو لكن البان كيك لعجينة ديالها غليظة و هي أكثر سهولة و سرعة فتوجاد ديلها

المقاديــــــــــــــــــر

رابعة ديال طحين فورص 
 بيضة واحدة 
معلقة صغيرة ديال لخميرة ديال الحلوة 
قبصة ديال الملح 
خنيشة ديال السكار فاني أو معلقة كبيرة ديال الما ازهر 
كاس صغير ديال السكار
خمسين غرام ديال الزبدة أو زوج معالق كبار ديال الزيت 
كاس ديال لحليب دافي 

الطريـــــــــــــقة

فإناء غارق نديرو طحين و الملح و لخميرة والسكار سنيدة و نخلطو كل شي مزيان,انطربو البيض ونضيفوه على الخليط ديال اطحين 
انديرو الزبدة أو الزيت ونخلطو مزيان نزيدو السكار فاني أو الما زهر و نضيفو لحليب دافي و نحركو كل شي حتى تولي عندنا عجينة ما خفيفة ما ثقيلة,انغطوها و انخليوها ترتاح واحد خمسة ديال ادقايق
نخدوا مقلا من نوع تيفال و نسخنوها و ندهنوها بشوية ديال الزبدة أو الزيت و ناخدو كاس صغير أو مغورفة صغيرة و انهزو بها لعجينة و نخويوها فوق المقلا,مللي نخويو لعجينة نخويوها من الوسط ديال ارغيفة  حتى تديع هي بوحدها .مللي ارغيفة أة
وا لشطيرة ديال البان كيك تدير اتقيبات أو بواقات هذا كيعني بللي بدات كطيب ,انقلبوها و نخليوها اتطيب على الجهة لخرى و انقدموها اسخونة فطبق انفرادي أو جماعي مع العسل أو السكار كلاصي أو مع الشكلاط أو حتى مع لكريم شانتيي إلى عندنا

هشــــــــــام اعبـــــــــابو 

Aucun commentaire:

2 زوار طــــــاجينكم


web widgets